Մտածողության բովանդակային խանգարումներից զառանցանքների` ըստ բովանդակության տարատեսակ են: Զառանցանքի խառը ձևերը բնութագրվում են նրանով, որ պերսեկուտոր մտքերը համատեղվում են ինքնանվաստացման կամ ինքնամեծարման զառանցանքների հետ։ Այս խմբից ուշագրավ են հետևյալ ձևերը՝

• բեմականացման զառանցանքը համոզվածություն է, որ շուրջը կատարվող բոլոր իրադարձությունները հատուկ նախապատրաստված են և իրականանում են ինչ-որ մեկի կազմած սցենարով, յուրաքանչյուրը կոնկրետ դեր է կատարում, թաքցնելով իր իրական (չար կամ բարի) նպատակները,

• հովանավորության զառանցանքը համոզվածություն է, որ հետագայում հատուկ առաքելություն իրականացնելու նպատակով, իրեն մեկուսացրել են հասարակությունից, իր վրա փորձեր են կատարում կամ էլ տանջում են,

• հատուկ նշանակության զառանցանք՝ հիվանդը շուրջը կատարվող դեպքերի, շրջապատող առարկաների, երևույթների մեջ, մարդկանց վարքագծում հիվանդը տեսնում է միայն իրեն հասկանալի նշաններ, իմաստներ, ցուցումներ։

Զառանցանքի այս ձևերը դիտվում են սուր ցնորքների, ցնորա-զառանցանքային, աֆեկտիվ-զառանցանքային համախտանիշների շրջանակներում, ինչպես նաև՝ գիտակցության մթագնման ժամանակ։

Հոգեբուժություն
Ս.Հ. Սուքիասյան, Ս.Պ. Մարգարյան
Տեղեկատվություն. med-practic.com